Nasjonalitetar som har vunne CL to gonger

Jørn kommenterte på forrige artikkel at det finst ein annan mann frå Uruguay som har vunne Champions League, eller Serievinnarcupen, som det heite den gongen. Litt ekstra research viser at det stemmer, men som Jørn sjølv skriv i kommentaren, så vann José Santamaría turneringa fyrst i 1958, same år som han debuterte på det spanske landslaget. Så dermed kan han også reknast som spanjol.


Men me kan like godt følge opp artikkelen med ei oppdatering på dei landa som har to spelarar som har vunne turneringa:


Nord Irland – George Best (Manchester Utd 1968)  og Martin O’Neill (Nottingham Forest 1979, 1980)
Nigeria – Finidi George (Ajax 1995) og Nwankwo Kanu (Ajax 1995)
Finland – Jari Litmanen (Ajax 1995) og Sami Hyypia (Liverpool 2005)
Sveits – Stéphane Chapuisat (Dortmund 1997) og Ciriaco Sforza (Bayern München 2001) 
Kamerun – Geremi (Real Madrid 2000) og Samuel Eto’o (Barcelona 2006, 2009 og Inter 2010)
Bosnia Herzegovina – Elvir Baljic (Real Madrid 2000) og Hasan Salihamidzic (Bayern München 2001)
Mali – Djimi Traoré (Liverpool 2005) og Seydou Keita (Barcelona 2009)
Australia – Harry Kewell (Liverpool 2005) og Zeljko Kalac (Milan 2007).


Island har som nemnt ein vinnar, og Finland har to. Som ein liten ekstra quiz, så lurer me på kven som har hatt flest Champions League-vinnarar av Norge, Sverige og Danmark (og kor mange?)